დღევანდელი დღე ძალიან ნაყოფიერი იყო. შევისწავლეთ შეფასების განრიგი და პრეზენტაციის შექმნა, რასაც აუცილებლად გამოვიყენებ სასწავლო პროექტზე მუშაობისას. დიდი მადლობა მოთმინებისა და ყურადღებისათვის ჩვენს ტრენერს.

ვაჟა - ფშაველა

ვაჟა

პროექტის სახელწოდება:

 “ ვაჟა - ფშაველა“

პროექტის იდეა:

 მოსწავლეებისთვის ვაჟა - ფშაველას საბავშვო ნაწარმოებების გაცნობა.

მოსწავლეთა ასაკი: 9 – 10 წელი.

პროექტის ხანგრძლივობა: 2 კვირა.

პროექტის მნიშვნელობა და მოსალოდნელი შედეგები:

 მოსწავლეები გაიგებენ უფრო მეტს  ვაჟა - ფშაველას შემოქმედებასა და ცხოვრებაზე, შეიყვარებენ ვაჟას ნაწარმოებებს, ასაკის შესაბამისად ჩასწვდებიან მისი ნაწარმოებების სიღრმეს, შეიყვარებენ ბუნების სამყაროს  და ისწავლიან მის დაცვას. შექმნიან ნახატებს ვაჟას ნაწარმოებების მიხედვით.

პროექტის მიზნები:

 ა) მოსწავლეების მიერ ინფორმაციის დამოუკიდებლად ძიების უნარ - ჩვევების განვითარება.

ბ) მოძიებული ინფორმაციის დამუშავების და ორგანიზების უნარ - ჩვევის განვითარება.

ქართ. IV.1 მოსწავლეს შეუძლია ადეკვატურად აღიქვას სხვადასხვა სახის ტექსტი და გადმოსცეს შინაარსი.

ქართ.IV. 2 შეუძლია გამოხატოს საკუთარი დამოკიდებულება მხატვრული ნაწარმოების მიმართ.

ქართ.IV. 6 შეუძლია სხვადასხვა თემაზე შექმნილი მხატვრული ტექსტების დამოუკიდებლად წაკითხვა.

ვაჟა - ფშაველა და ალექსანდრე ყაზბეგი

ქართ.IV.8 მოსწავლეს შეუძლია საკუთარი დამოკიდებულების გამოხატვა წაკითხული ტექსტის მიმართ.
საგანთაშორის კავშირი:
ხელოვნებასთან კავშირი.
ს.გ.IV 3 მოსწავლე აკვირდება გარემოში საგნებს, ობიექტებს, მოვლენებს, მათ შორის არსებულ კავშირებს და შეუძლია მათი ასახვა ნამუშევრებში.
ს.გ.IV 12 მოსწავლეს შეუძლია დააკავშიროს ხელოვნების ნაწარმოების შინაარსი სხვა საგნებში განვლილ მასალასთან.

შეფასების კრიტერიუმები:

შედეგი თვალსაჩინოა, თუ:

·       მოსწავლე დამოუკიდებლად კითხულობს სახვადასხვა თემაზე შექმნილ მხატვრულ ტექსტებს.

·       ადეკვატურად აღიქვავს სხვადასხვა სახის ტექსტს.

·       გამოხატავს საკუთარ დამოკიდებულებას მხატვრული ნაწარმოების მიმართ.

სასწავლო მასალა და რესურსები:

ვაჟა - ფშაველას ნაწარმოებების კრებული, სახატავი ალბომი, ფანქრები, კომპიუტერი და პროექტორი ვაჟა - ფშაველაზე ელექტრონული პრეზენტაციის საყურებლად, ანიმაციური ფილმები: „ჩხიკვთა ქორწილი“ და  „ბულბულის  იუბილე“, ვაჟა - ფშაველას სურათები.

ვაჟა - ფშაველა მეუღლესთან ერთად

პროექტის მსვლელობა:

ა) ვაჟა - ფშაველას შესახებ ინფორმაციის მოძიება და დამუშავება.

ბ)  ანიმაციური ფილმების: „ჩხიკვთა ქორწილი“ და „ბულბულის იუბილე“ ნახვა.

გ) მოთხრობების: „შვლის  ნუკრის ნაამბობი“ და „ამოდის, ნათდება“  წაკითხვა - განხილვა.

დ) ვაჟას ლექსების შესწავლა.

ე) ელექტრონული პრეზენტაციის ნახვა ვაჟა - ფშაველაზე.
ვ) მოსწავლეების მიერ ვაჟა - ფშაველას ნაწარმოებების მიხედვით ნახატების შექმნა.

ზ) ნახატების გამოფენის მოწყობა: „ვაჟას გმირები“.
თ)პრეზენტაცია.

პროექტის ხელმძღვანელი: ნათია ვარაზაშვილი.

ხელმძღვანელის ელ. ფოსტა: nvarazashvili22@gmail.com

პროექტის ვებ -  გვერდი/ ბლოგი: http://nvarazashvili22.blogspot.com/